Skip to main content Skip to footer

NGO Blong America I Laik Long Peter O'Neill Imas Dil Wantaim SABL Ripot

November 22, 2013
Source
ABC Radio Australia

Wanpela Non-government Organisation oa NGO lain blong Amerika i toktaut strong long Papua New Guinea gavman long sait long ol dispela Special Agriculture Business Leases oli save kolim tu long SABL.

 

Odio: Rosa Koian Networking Coordinator blong Bismarck Ramu Group i toktok

NGO lain em oli kolim Oakland Institute long America i sutim ol strongpla toktok egensim Papua New Guinea, Peter O'Neill olsem emi no mekim wanpela samting long ol toktok blong Commission of Inquiry igo long Special agrikalsa bisnis leases.

Tripela Komisina ibin mekim ol wok painimaut inap moa long wanpela yia long lukluk igo insaet long dispela tok oraet blong larim ol bisnis kampani blong ol narapla kantri long leasim oa iusim pastaim moa long 5 million hectares blong graon long PNG.

Long stat blong dispela wik, Oakland Institute ibin lonchim wanpela ripot em i kolim 'On Our Land - Modern land grabs Reversing Independence' na emi bin soim wanpla piksa long dispela heve long PNG.

Rosa Koian Networking Coordinator blong Bismarck Ramu Group itok planti pipol tru ibin lukim displa piksa.

Ms Koian i tok wanbel long ol toktok blong dispela NGO blong America.